有部分人認為係杞人憂天，廣東話至今都保存得好好，根本唔需要擔心呢個問題，擔心係多餘嘅！但我想知點解你要用普通話個調講「坑爹」？點解唔講「混吉、搵笨」？點解你要講「裝B」，唔講「扮嘢」？點解你講「忽悠」唔講「老點」？點解鬧人哋「傻閪」變咗「傻B」？點解你拎起本書見到啲字，默讀第一語言係普通話而唔係廣東話？點解你明明講緊廣東話，忽然講某啲詞彙時，嗰個詞其實都可以好簡單就用廣東話表達出嚟嘅，而你點解偏偏轉咗用普通話表達？

其實你嘅母語正在一點一點流失，外來詞替代咗母語詞。日常生活中，而家我哋所身處嘅環境、周圍，無處不在嘅普通話，細路仔講普通話係咪多過廣東話，甚至只講普通話，你出街買嘢時，你係習慣咗一開口就用廣東話定抑或普通話？如果你慣咗一開口就用普通話，咁就證明，普通話正在慢慢侵食緊、取代緊你母語嘅地位。我都希望係我庸人自擾、杞人憂天，我亦希望我嘅擔心係多餘。但事實廣東話而今正在流逝，就算冇，我哋點解唔可以防範於未然？與其亡羊補牢，不如未雨綢繆。

正解

我从来唔会用捞话读书，而且你讲果D捞话术语我根本唔会讲，可能系我适应能力太差！

香港有二十萬雙非嬰兒，一年五萬個新移民，再加一年幾千個撈頭學生，廣東話面臨嘅可能係滅頂之災，但係有啲人視而不見，過多十年真係難以想像

传承咗两千年嘅文化 可能係我哋呢一代开始逐渐 消失。

传承粤语文化