一部分媒体报道
【再獲殊榮】獲頒卓別靈電影人士藝術成就獎
梁朝偉:佢係好偉大嘅表演藝術家
[蘋果娛樂] 2018年11月11日
梁朝偉噚晚喺上海攞獎,老婆劉嘉玲當然有同行。(右圖:微博圖片)
梁朝偉噚晚喺上海參加咗一個由大陸雜誌主辦晚宴,梁朝偉獲頒「亞洲卓別林大獎」,以表揚其藝術成就獎,佢更親自到場領取獎項。偉仔今次得獎攞得特別開心,因為佢老婆劉嘉玲很貼心咁專門安排老公嘅一班老朋友如梁家輝夫婦、鍾鎮濤夫婦、邱淑貞、杜德偉夫婦、陳國熹、上山詩鈉等飛去上海賀偉仔得獎,俾個意外驚喜佢,當佢到場發現自己一班好友紛紛出現,真係既意外又開心。
呢個獎自1972年創立以嚟第一次嚟到亞洲,作為第一個亞洲藝人得到呢個藝術成就獎嘅梁朝偉,噚晚喺已故喜劇大師差利卓別靈(Charlie Chaplin)嘅孫女Kiera Chaplin手上得到此榮耀,心情特別興奮,偉仔話:「差利卓別靈係我好細個時,心目中已覺得佢係好偉大嘅表演藝術家,今次可以喺佢個孫女手中接過呢個獎,當然係好榮幸。」
問到嘉玲係咪好戥老公開心?佢話:「當然係與有榮焉啦!我知偉仔都好開心,因為咁多好朋友特別飛過嚟同佢慶祝,所以噚晚佢係好難得喺一個慈善晚宴坐足一晚。」
梁朝偉獲藝術成就獎 劉嘉玲帶朋友驚喜到賀
[都市日報] 2018/11/12 (週一) 12:00上午
梁朝偉成為首位亞洲電影人獲頒「卓別林電影人士藝術成就獎」,貼心的劉嘉玲,安排老公的一班老友包括梁家輝夫婦、鍾鎮濤夫婦與邱淑貞等,專程飛到上海與梁朝偉分享喜悅,他見到一班老友時,既意外又驚喜,還要在差利卓別靈的孫女手中獲獎,他坦言:「真係好榮幸!」
「卓別林電影人士藝術成就獎」自1972年創立至今,多年來頒發予不少演技出眾的好演員,今年於上海舉辦,梁朝偉(偉仔)是首位亞洲電影人獲頒這項殊榮,前晚他親自到場領獎,並在已故喜劇大師差利卓別靈的孫女Kiera Chaplin手上得到此榮耀,偉仔心情相當興奮,坦言:「我好細個時,已經覺得差利卓別靈係好偉大嘅表演藝術家,今次可以喺佢個孫女手中接過呢個獎,當然係好榮幸。」偉仔還表示很高興連荷李活影星羅拔迪尼路也讚他是亞洲的奇勒基寶。
而貼心的劉嘉玲,更為老公花盡心思,實行給他一個驚喜,一早安排好偉仔的好友包括鍾鎮濤夫婦、邱淑貞夫婦、梁家輝夫婦、杜德偉夫婦及上山詩鈉等神秘到上海道賀,嘉玲笑言:「我冇話畀梁生知,就叫咗佢啲好朋友嚟上海,等佢做完訪問影晒相,再返嚟換衫準備行紅地毯時,一班朋友就現身為佢開香檳慶祝,梁生真係好驚喜!」