藝人黃子華最後一次棟篤笑騷,前晚有邱淑貞夫婦、陳法蓉、江希文和名媛黎曉靈(Kimmy)和子華好兄弟林祖輝等都有捧場。子華於台上更提到自己第一次開棟篤笑時,擔心銷情慘淡而到處貼街招宣傳,當年幸得祖輝仗義幫忙,期間更講到哽咽。當子華於後台遇上祖輝時,即忍不住相擁淚灑。
祖輝回覆東網時坦言大家都很感動:「佢唔知我嚟嘅。(幫佢貼街招?)當時90年代,佢第一場騷,我去紅館幫佢攞表,申請文化中心嗰場,又一齊度「棟篤笑」個名,仲一齊夜晚去銀行門口貼宣傳海報,真係好好兄弟,就連沙士年代佢開騷,我都幫佢派口罩畀觀眾入場。」