东网
2月13日情人節前夕,是圈中筍盤馬國明(馬明)的43歲生日,不過正忙拍新劇《深宮計》的馬明,就要在錄影廠度過!日前同劇演員馬浚偉、張文慈,以及前女友胡定欣等就為馬明慶生,唯獨緋聞正盛的黃心穎偏偏冇影!
慣咗工作過生日
當晚,一眾劇中拍檔為他切蛋糕慶祝,除了馬浚偉外,全部都是女仔,不過有份拍此劇的黃心穎就不在場,馬明接受東網獨家訪問時謂:「好開心,成班同事陪我慶祝生日,生日喺工作中度過都慣咗,雖然唔係開咗好多日工,但嗰班演員都好熟,好多以前都合作過,好似馬浚偉、謝雪心、康華。」
十幾歲開始冇慶祝
問到心穎BB有否表示時,他笑言:「冇呀!今年淨係收過嗰個蛋糕禮物,冇收到其他禮物!(心穎?)都冇喎!我又冇乜所謂,我十幾歲開始已經冇慶祝生日,對我嚟講冇乜所謂,希望大家都身體健康。」問到為何當日心穎BB不在場,他謂:「好簡單,因為嗰日場戲冇佢,咁佢咪唔喺度囉!就係咁簡單。」問到二人「情人節」場戲又甚樣時,馬明又扮懵謂:「我冇呀!我都係工作中度過,我尋日場戲都冇佢㗎!」
心穎Send訊息送賀
至於心穎BB被問到是否知道馬明生日時,她笑言:「知呀,我嗰日要開《千奇百趣》,見到劇組個Group啲相。(你又有冇表示?)我有短訊祝佢Happy Birthday。(咁情人節快樂呢?)冇喎!點解要特登同佢講呀?我有喺社交網出Post同大家講囉!」心穎指昨日的情人節另有工作,各有各忙。