关于心态：
以后毋好再用“保卫粤语”、“捍卫粤语”之类嘅词语，取而代之嘅系“粤语学习”，“粤语推广”，“弘扬粤语文化”。词语能够表达我哋嘅思想，反番过来，亦都可以影响到我哋嘅思想。如果我哋长期讲“保卫”之类词语嘅时候，我哋就会产生一种心理暗示：粤语好弱，北方方言好强。长期喺坭种心理暗示嘅作用下，粤语就真系会变弱，北方方言就会变强。
同样利用心理暗示嘅原理，我哋应该少提“国语”、“普通话”之类嘅词语，实在要讲，就用“北方方言”，“普通话方言”坭个词来代替。因为“国语”、“普通话”畀人嘅感觉就系凌驾于粤语之上，甚至宜家有尐人误以为汉语就系普通话！一定要弱化北方方言对我哋嘅心理影响。
我哋必须要有一种推广粤语嘅心态。喺现今社会，你毋推广，就会灭亡。以普通话方言为例，毋见得坭种方言比粤语优秀，但系佢哋嘅定位系“全国通用语，标准语”，结果坭种思想指导下，逐渐成为强势。
反观粤语区，南粤文化强盛嘅时候，安于现状，毋搞粤语规范化，亦都毋推广粤语。等到北方方言文化到来嘅时候先至讲“捍卫”，试问坭种佄样嘅心态点可以让粤语强大呢？
汉语没有标准语，所谓嘅标准都系他人强加嘅。粤语应该同普通话方言平起平坐，甚至比普通话方言高一等。为佐培养我哋积极嘅心态，我哋应该为粤语同普通话方言来一个正确嘅定位：
粤语系方言，普通话更系方言。
坭个称谓定位非常重要，某尐别有用心嘅学者就系经常性佄利用“方言”坭个词来煽动不明真相嘅群众，打压粤语，以达到其不可告人嘅目的。有佐坭个定位就可以打破坭尐垃圾学者嘅阴谋，复兴中华文化。
下文叙述当中，我哋会用“普通话方言”或“北方方言”一词来指代普通话。