关于用字标准：
粤语用字毋规范，喺口语中，经常出现一字多义，一义多字嘅情况，带“口”字边嘅新造字又有好多。经常上粤语吧，发觉大家对于粤语用字存在两种倾向，一种系太随意，随便用一尐同音字，近音字来代替，佄样嘅话，畀人嘅感觉就太乱，严重影响粤语喺人们心目中嘅形象。例如“你哋”，“咪喐”“系咁先”……如果我哋毋注意嘅话，毋但止外省人睇毋起我哋，就算系土生土长嘅本地人，亦都毋会对粤语再有感情。我之前接触过好几个学生都系佄。包括我自己在内，见到好多“口”字边嘅字，总系感觉毋舒服。
另一种人我觉得系太拘泥，总系希望使用粤语本字邌表达。语言除佐系一种文化之外，仲系一种日常嘅交际工具，既然系工具，首先使用要方便。好多时如果我哋使用本字嘅话，会显得好毋协调。喺坭种情况之下，不妨变通一下，使用一尐通假字，或者新造字。
例如：“我哋”嘅本字系“我等”，“佢”嘅本字系“其”，“嘅”嘅本字系“忌”，“仲有”本字“重有”，“踎”嘅本字系“猫”……
显然，随着社会嘅发展，新事物系不断佄涌现，语言亦都喺度不断佄丰富，发展。好多字嘅本字无论喺读音、意义同使用范围，都同新字差异好大。如果毋加以区分，都恢复用本字嘅话，就会出现大量一字多用嘅情况（注意，系大量），容易产生歧义，使得语言表达毋准确。仲有，某尐本字喺古代亦曾经过数次演变，已经好难考证。于是考究文字嘅学者往往公说公有理，婆说婆有理，边个都讲毋赢边个。而且文人相轻，内耗不已。佄样不利于团结，不利于粤语嘅发展。
鉴于此，本人提出以下几点用字建议，希望大家畀尐意见（当然，只不过系个人建议，冇强求大家接受）：
1、能够用本字嘅，尽量用本字。有利于文化传承。 2、本字揾毋到，或者本字实在毋适合使用，则用假借字，即系古字今用。 3、冇适合嘅假借字，可以造新字。 4、无论系本字、假借字、新造字，都要联想容易，记忆容易，使用容易，毋会同其他字词混淆。一般来讲，形声字更加容易使用同记忆。 5、尽量用符合意思嘅字根来构字，毋好轻易用“口”字边造字，坭尐“口”字边嘅字畀人感觉好冇文化内涵。 6、兼顾人们通俗写法，佄样更容易被人接受。 7、构字协调，美观。 8、尽量避免一字（词）多义，一义多字（词）。 9、对于高频用字，越简单越好。生僻字复杂一尐无所谓。