电视捞饭:《飞虎Ⅱ》连环爆意外嘉欣险毁容 谦仔屁股开花
无线新剧《飞虎Ⅱ》一直拍得几顺利,点知前两日发生两宗意外,其中罗仲谦(谦仔)见红入院缝针,钟嘉欣场爆炸戏就突然提早爆,好在佢同马德钟都冇受伤。前日(22日)上昼7点几,谦仔喺将军澳电视广播城录影厂,拍摄一场讲佢推手推车入苢跣低开枪嘅戏份,点知跣落地坐正喺未扫清嘅一粒强化玻璃碎度,割到谦仔屁股开花见红,左边屁股近大髀位置流晒血,保安即时帮佢止血兼送佢入院!由於谦仔屁股受伤,等医生时全程企喺度。照咗X光后,粒玻璃碎仲喺度,医生即刻帮佢攞番出嚟,再缝咗两针。不过谦仔好专业,噚日继续开工,佢话拍戏难免有意外,暂时拍住文戏先:「最尴尬系喺医院缝针时,要喺女护士面前露半边屁股啫!」
「吓到嗌住救命走」
至於嘉欣BB嗰场就有惊无险,场戏讲佢身边两呎几外有手榴弹爆炸,原本夹好时间爆佢就狂奔,点知炸弹突然提早爆,好在爆炸力有限,嘉欣BB花容丝毫无损:「原本我爆炸时好有型咁走,点知提早爆,吓到我嗌住救命走!」嘉欣BB话当时喺佢侧面爆,但冇谂过毁容:「我只系谂唔好受伤,因为我仲要拍剧同开演唱会!」特别系下月要开演唱会,嘉欣BB话开工都会打醒十二分精神,唔可以畀自己有任何损伤。而马德钟老婆就喺微博呻,话担心老公仔拍剧整亲喎!
无线新剧《飞虎Ⅱ》一直拍得几顺利,点知前两日发生两宗意外,其中罗仲谦(谦仔)见红入院缝针,钟嘉欣场爆炸戏就突然提早爆,好在佢同马德钟都冇受伤。前日(22日)上昼7点几,谦仔喺将军澳电视广播城录影厂,拍摄一场讲佢推手推车入苢跣低开枪嘅戏份,点知跣落地坐正喺未扫清嘅一粒强化玻璃碎度,割到谦仔屁股开花见红,左边屁股近大髀位置流晒血,保安即时帮佢止血兼送佢入院!由於谦仔屁股受伤,等医生时全程企喺度。照咗X光后,粒玻璃碎仲喺度,医生即刻帮佢攞番出嚟,再缝咗两针。不过谦仔好专业,噚日继续开工,佢话拍戏难免有意外,暂时拍住文戏先:「最尴尬系喺医院缝针时,要喺女护士面前露半边屁股啫!」
「吓到嗌住救命走」
至於嘉欣BB嗰场就有惊无险,场戏讲佢身边两呎几外有手榴弹爆炸,原本夹好时间爆佢就狂奔,点知炸弹突然提早爆,好在爆炸力有限,嘉欣BB花容丝毫无损:「原本我爆炸时好有型咁走,点知提早爆,吓到我嗌住救命走!」嘉欣BB话当时喺佢侧面爆,但冇谂过毁容:「我只系谂唔好受伤,因为我仲要拍剧同开演唱会!」特别系下月要开演唱会,嘉欣BB话开工都会打醒十二分精神,唔可以畀自己有任何损伤。而马德钟老婆就喺微博呻,话担心老公仔拍剧整亲喎!