耀B

【最耀B第十八期】伦敦奥运 HD 2012-07-20
以下系有“夏一界”代表“尚一介”为你主持嘅TYB电视台现场直播嘅第三世届伦敦奥林不黑运动会体育特别节目。大家好，我系“夏一界”。首先系浅显而较为深入嘅开幕式报道。本届开幕式，在激情洋溢嘅奥运会主题曲中开始。系由Adele演唱嘅《rolling my lychee》（演唱：my~~lychee~~身外是张花红被，轻纱薄锦玉团儿）听完呢首主题曲，我哋都可以睇出本届奥运会融入咗好多中国元素，譬如爬广州塔同珠江夜游。而韩国方面表示有兴趣将佢哋纳入韩国国粹，并对外表示，今届奥运会所有金牌得主都会有韩国血统。喺开幕式上，发生咗奥运历史上又一次圣火熄灭事件。正当奥运火炬传到倒数第二棒英国首相“卡霉轮”嘅时候，佢突然之间吹熄咗支火炬。我台特别记者“尚一介”即刻去到现场了解情况。
尚一介：系嘅，唔该晒主持人。咁现场气氛呢系十分之混乱，英国首相“卡霉轮”周围只系得我一个啫。据了解，当地群众全部返晒屋企睇ABS130自由体操体育项目，咁我想问下咧，阿卡生，点解你要吹熄咗个火炬呢？
卡霉轮：因为我今日生日啊嘛。
尚一介：啊？原来你今日生日啊，恭喜恭喜。但系而家你传紧火炬嘅啵，你有冇惗过观众嘅 感受咧？
卡霉轮：使乜理佢哋点惗啫，我开心咪得啦。你惊嘅，我点返咗佢咪系喽。系咧，你有冇带火机啊？
尚一介：有啊有啊，嗱，借俾你。
卡霉轮：嗱，而家咪着返喽。
尚一介：系嘅，咁英国首相点返咗支火炬之后，本来系将火炬传俾“碧咸”嘎，但我哋啱啱收到消息，碧咸而家正喺ABS130拍摄现场，咁佢嘅位置呢就有“背刻汉武”顶上嘎。我哋而家睇到，虽然现场“背刻汉武”嘅背被太阳晒黑咗，佢背嘅上面有武汉嘅汉字同埋武汉嘅武字嘎，上面仲有个横批写住：中国队加油。好，现场报道系咁多，而家将火炬交返俾新闻部。
好嘅，唔该晒尚一介，然后我哋嚟睇一则来自女子三点式游泳比赛嘅消息。就喺比赛当日，赛后嘅例行尿液检查出现咗惊人嘅一幕，全体参赛选手怀孕测试结果均呈阳性反应。经过当地警方展开全力侦查后，一名自称系该游泳馆嘅临时工被逼主动承认，佢话比赛前一日曾经喺泳池边玩耍，承诺对该事件负全责，并且已经开始筹备资金迎娶所涉及嘅游泳运动员。有专家指出今次事件迎合咗本届奥运会嘅主题：“inspire a
generation”。
我国爱胶布发炎人“歪民”已做出咗评论：（国语）绳命是入刺的没力，让我们祝福这绳命入刺的井猜。下面交俾尚一介讲下足球方面嘅消息。
好嘅，喺同日进行嘅奥运会足球焦点赛上，由葡萄牙对阵西班牙，正所谓“以牙还牙，甩晒棚牙”。西班牙按照惯例采取咗多角度全方位无定向循环传球战术，由门将传俾后卫，后卫传俾中锋，中锋就传俾林峰。而林峰过晒对方球员之后呢，系发现过唔到自己嘅关噶，决定将波交返俾新闻部。
好多谢林峰个波，再嚟睇下网球方面，日本代表队派出咗俄罗斯女选手：“话她斯娃”迎战吉尔吉斯斯坦代表队派出嘅巴基斯坦男选手“卡巴斯基”。但系比赛进行到赛点嘅时候，奥委会发现，卡巴基斯同今届奥运会指定杀毒软件发生咗冲突，主办方临时做出紧急公告，要求参赛选手名字中不得包含“卡巴斯基”。人哋话“不怕生坏命，至怕改错名”，呢场原本毫无悬念嘅对决，发生咗戏剧性嘅扭转，“话她斯娃”喺一分都攞唔到嘅情况下，取得咗胜利。
接落嚟系乒乓球方面嘅消息，一位唔愿意透露自己性别嘅男选手同我哋讲，本届奥运会乒乓球项目比赛用球统一采用直径38毫米嘅潮汕爽口牛肉丸。（我哋精心选料，我哋俾心制作，潮汕牛丸，粒粒精选，连佢都话：好好食，个个食（潮汕话））
英国嘅赛事进行得如火如荼，国内嘅奥运气氛也都十分高涨。收到最新消息，喺江南大道同江南西嘅交界处，上演紧一场拳击赛。交俾现场记者“尚一介”报道。
好啦，而家镜头去到现场直播，江南西地铁口两位保安因为口角而打上身，大家可以睇到，地铁A出口保安正在袭击对面马路C出口嘅保安。旁边嘅肯德基伯伯就睇唔过眼，所以就企出嚟做裁判，佢话边个赢咗今晚就请佢食麦当劳。咁比赛去到白热化阶段啦，A出口保安由于太肚饿就干脆使出绝招KO咗对方。赛后A出口保安因为太耐冇食过M记，忍唔住喊咗出嚟。呢度嘅报道系咁多。
今年体操赛事仲增加咗两个项目，就系“斗快做眼保健操”同“斗慢做广播体操”。系啦，回顾今天嘅片段，眼保健操比赛系十分之激烈嘎，大家唔好以为喺度播紧快进，其实已经系放慢镜了。而广播体操方面，比赛开始咗两个几钟头，所有参赛选手为咗保持领先优势，都仲未开始做准备活动嘎。到发稿为止，比赛仲未有开始嘅迹象。咁赛果咧，将会喺下一届奥运会宣布。
喺奖牌榜方面，美国代表队选手由于过度饥饿，而吞咬中国一面金牌。经奥委会一致裁定，由于该面金牌嘅0.618已经喺美国选手个肚里边，所以中国只拥有剩低嘅0.382.而家，美国暂时以3.618块金牌排名第一，中国以3.382块金牌紧追其后。
本届奥运会喺运动员饮食方面做得相当讲究，我哋睇到菜单上面有：白金汉宫保鸡丁、大炖盅、伯明翰堡包、日不落事薯片、干炒泰晤士河粉、苏格兰威士忌汤、伦敦双层巴士堡等等。可见既时尚健康节能减排又不失传统经典英伦韵味。好嘅，以上系伦敦奥运体育快讯嘅全部内容，感谢大家收睇，再会。